សៀមរាប ៖ អាជ្ញាធរជាតិអប្សរា និងគ្រឹះស្ថានអង្គរនឹងបើកការចូលទស្សនាប្រាសាទនានា និងលក់សំបុតចូលទស្សនាក្នុងរមណីយដ្ឋានអង្គរជាធម្មតាឡើងវិញចាប់ពីថ្ងៃទី២៥ ខែមេសា ឆ្នាំ២០២១តទៅ។  នេះបើតាមសេចក្តីជូនដំណឹងរួមរបស់គ្រឹះស្ថានអង្គរ និងអាជ្ញាធរជាតិអប្សរា នៅថ្ងៃទី២៥ ខែមេសា ឆ្នាំ២០២១នេះ។

អាជ្ញាធរជាតិអប្សរា និងគ្រឹះស្ថានអង្គរបានជូនដំណឹងដល់ក្រសួង ស្ថាប័នជាតិ អន្តរជាតិ អាជ្ញាធរដែនដី មន្ទីរ -អង្គភាព សមាគមទីភ្នាក់ងារទេសចរណ៍ សមាគមមគ្គុទ្ទេសក៍ទេសចរណ៍ សមាគមដឹកជញ្ចូនភ្ញៀវទេសចរ ក្រុមហ៊ុនទេសចរណ៍ ភ្ញៀវទេសចរជាតិ-អន្តរជាតិ សាធារណជន ព្រមទាំងបងប្អូនប្រជាពលរដ្ឋទូទៅ ដោយអនុលោមតាមសេចក្តីសម្រេចរាជរដ្ឋាភិបាលលេខ ៥៣ សសរ ចុះថ្ងៃទី២៥ ខែមេសា ឆ្នាំ២០២១ស្ដីពីការបញ្ចប់ការហាមឃាត់ការធ្វើដំណើរ និងបញ្ចប់ការបិទរមណីយដ្ឋានទេសចរណ៍ នៅទូទាំងប្រទេស៕